مرحباً بكم ♥~ مشاركة ترحيبية

كونبانوا~
هذه المرة مفيش ترجمة أنما حبيت أسلم علي اللي بيدخلوا المدونة في أول أيام أفتتاحها ♥

أنا ريري ريوسكي بأول سنوات الجامعة و كنت بدرس لغة يابانية بس حالياً متوقفة

الموضوع ممكن يكون غريب بس كل شئ بهذه المدونة عملته أنا سواء ترجمة توقيت , تصميم الشكل الخارجي للمدونة , الترتيب و الصور المصممة بالموضوعات , أستعنت بكل اللي أقدر عليه لتظهر بأجمل صورة , و طبعاً الشكر لفطومة اللي ساعدتني برفع أغلب الأشياء بالمدونة ♥♥

بدون مبالغة الأشياء اللي هنا أخدت ع الأقل 7 أشهر شغل .. الموضوعات مش مترتبة صح فأنصح الكل أنهم يشوفوا القوائم بالأعلي و فيها كل شئ مرتب ..

التقارير لسا هتتعدل لأنها قديمة لأنه صممتها من فتره أنتظروها

بداية هذه المدونة أني ترجمت أغاني sexy zone من أكتر من سنة بغرض أني أريد أترجمها لنفسي و بس و بعدها بقي عندي ملف مليان اغاني مع الوقت و قلت ليه ما أشاركه مع اللي يحبون الفرقة متلي ....

في البداية ترددت لعدة أسباب, بس قررت أني أكون مدونة تستحق.,  تكون متل مدونات الفرق العربية و حتي أفضل من الأجنبية و الحمد لله قدرت أكون محتوي كبير لـ sexy zone خصوصاً يشجعني أبدأ ..

أنا بحبهم جداً جداً و فان كبيرة لهم و أشتريت لهم أصدرات ♥ البعض يظن أنهم لسا أطفال او انهم فرقة مفككة, أريد أغيير هذه الفكرة ...

و طبعاً الدفعة الأكبر كانت بسبب king&prince , كنت مخططه المدونة تتفتح لهم و هما لسة جانييز جونيور بس واجهتني مشاكل كتير أجلت الموضوع لليوم بعد اعلان الترسيم, و لكن لا أزال أريد من فانز الجانييز يتابعون الجانييز جونيور ♥ عالمهم جميل و هما يستحقون الدعم ♥♥

المدونة أسمها murasaki kingdom
كينجدوم = بمعني المملكة لأنه هتكون مليانة أشياء king&prince
موراساكي = لسببين أخترت الأسم أول سبب أنه أول كانجي " حرف " بأسم هيرانو شو .."شو " و أسمه يعني البنفسجي و والدته أختارت له الأسم لأنها تحب اللون فحبيت يكون أسمه يزين المدونه تقديراً لحبنا له و حبه للفانز و للفرقة ♥

 موراساكي كمان كان لون مؤثر بالنسبة لي كفان لهم لأنه بأخر أغنية أصلية لهم قبل الترسيم " MIXTURE " و اللي أتصدمت أن أسم الفرقة كان مذكور فيها من شهور قبل الترسيم و كأنهم بيوصلوا لنا رسالة بجملة "سنكون معاً "

كان في مقطع يقول " اللون الأحمر كينج و اللون الازرق برينس" و لما أتمزجوا بقوا بنفسجي , أي نعم ذكروا أسم تاني للون بس يظل بنفسجي و اللي هو موراساكي

ممكن تسمعوا الأغنية " من هنا " الأغنية أصليه لهم و ممكن تسمعوا كل اغانيهم من القائمة الموجوده بأعمالهم من القائمة الرئيسية أعلي المدونة .

و من الأن فصاعداً هتكون المدونة فيها كل شئ لهم و هبدأ بتنزيل أخبار ترسيمهم و أخبار أيفينتهم الأول و ظهورهم التلفزيوني الأول هيكونوا أول الأعمال اللي هتنزل ♥

و كمان بركز علي العروض و البرامج للزون ♥

ممكن مستقبلاً تشوفوا أشياء كتيرة مختلفة ~~~ لما كنت اترجم للجامب ما توقعت أبدأ هبدأ تاني مع فرقة تانية بس وصلت لهنا

أتمني دعمكم, ردودكم طلباتكم و اقتراحاتكم و أنكم تشاركوا المدونة مع صديقاتكم دائماً دائماً دائماً

شكراً علي قراءتكم ♥ و أشوفكم فأول ترجمة